ਨਈ ਦੁਨੀਆ –ਯੂਪੀ ਦੇ ਫਿਰੋਜ਼ਾਬਾਦ ‘ਚ ਆਨਰ ਕਿਲਿੰਗ ਦਾ ਇਕ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇਕ ਪਿਤਾ ਨੇ ਆਪਣੀ ਧੀ ਦੀ ਕੁਹਾੜੀ ਨਾਲ ਗਲਾ ਵੱਢ ਕੇ ਹੱਤਿਆ ਕਰ ਦਿੱਤੀ। ਸੋਮਵਾਰ ਅੱਧੀ ਰਾਤ ਨੂੰ ਧੀ ਘਰੋਂ ਗਾਇਬ ਹੋ ਗਈ ਤੇ ਖੇਤ ‘ਚ ਆਪਣੇ ਪ੍ਰੇਮੀ ਦੇ ਨਾਲ ਦਿਖਾਈ ਦਿੱਤੀ। ਗੁੱਸੇ ‘ਚ ਆਏ ਪਿਤਾ ਨੇ ਹਮਲਾ ਕਰ ਦਿੱਤਾ ਅਤੇ ਲਾਸ਼ ਨੂੰ ਖੇਤ ‘ਚ ਛੱਡ ਕੇ ਘਰ ਵਾਪਸ ਆ ਗਿਆ। ਸਵੇਰੇ ਪਿੰਡ ਵਾਸੀਆਂ ਨੇ ਲਾਸ਼ ਦੇਖੀ ਤਾਂ ਤਰਥੱਲੀ ਮਚ ਗਈ। ਪੁਲਿਸ ਨੇ ਦੋਸ਼ੀ ਪਿਤਾ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ।
ਜਾਣਕਾਰੀ ਮੁਤਾਬਕ, ਫਿਰੋਜ਼ਾਬਾਦ ਦੇ ਇੰਦਰਪਾਲ ਬਘੇਲ ਸੋਮਵਾਰ ਰਾਤ ਆਪਣੇ ਪਰਿਵਾਰ ਨਾਲ ਘਰ ‘ਚ ਸੌਂ ਰਹੇ ਸਨ। ਅੱਧੀ ਰਾਤ ਕਰੀਬ 12 ਵਜੇ ਉਨ੍ਹਾਂ ਦੀ ਨੀਂਦ ਟੁੱਟੀ ਤਾਂ ਉਨ੍ਹਾਂ ਦੇਖਿਆ ਕਿ ਵੱਡੀ ਧੀ ਨੇਹਾ (16 ਸਾਲ) ਆਪਣੇ ਬਿਸਤਰੇ ‘ਤੇ ਨਹੀਂ ਹੈ। ਸ਼ੱਕ ਹੋਣ ‘ਤੇ ਉਹ ਕੁਹਾੜੀ ਲੈ ਕੇ ਭਾਲ ‘ਚ ਨਿਕਲੇ। ਘਰ ਤੋਂ ਲਗਪਗ 500 ਮੀਟਰ ਦੂਰ ਖੇਤ ਵਿਚ ਮੰਜਾ ‘ਤੇ ਉਨ੍ਹਾਂ ਨੇ ਆਪਣੀ ਧੀ ਨੂੰ ਇਕ ਨੌਜਵਾਨ ਦੇ ਨਾਲ ਬੈਠਾ ਦੇਖਿਆ। ਪਿਤਾ ਨੂੰ ਦੇਖ ਕੇ ਨੌਜਵਾਨ ਭੱਜ ਗਿਆ, ਪਰ ਇੰਦਰਪਾਲ ਗੁੱਸੇ ਵਿਚ ਬੁਖਲਾਇਆ ਤੇ ਧੀ ਦੀ ਗਰਦਨ ‘ਤੇ ਕੁਹਾੜੀ ਨਾਲ ਹਮਲਾ ਕਰ ਦਿੱਤਾ।
ਹਮਲੇ ਨਾਲ ਨੇਹਾ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਲਾਸ਼ ਨੂੰ ਖੇਤ ‘ਚ ਛੱਡ ਕੇ ਇੰਦਰਪਾਲ ਘਰ ਵਾਪਸ ਆ ਗਏ ਤੇ ਸੌਂ ਗਏ। ਮੰਗਲਵਾਰ ਸਵੇਰੇ ਕਰੀਬ ਸਾਢੇ ਪੰਜ ਵਜੇ ਪਿੰਡ ਵਾਸੀਆਂ ਨੇ ਖੇਤ ‘ਚ ਲਾਸ਼ ਦੇਖੀ ਤਾਂ ਪਿੰਡ ਵਿਚ ਤਰਥੱਲੀ ਮਚ ਗਈ। ਜਾਣਕਾਰੀ ‘ਤੇ ਪੁਲਿਸ ਪਹੁੰਚੀ ਅਤੇ ਲਾਸ਼ ਨੂੰ ਕਬਜ਼ੇ ਵਿਚ ਲਿਆ।
ਪਿੰਡ ਵਾਲਿਆਂ ਨਾਲ ਪੁੱਛਤਾਛ ਵਿਚ ਸਾਹਮਣੇ ਆਇਆ ਕਿ ਨੇਹਾ ਦਾ ਗੁਆਂਢੀ ਪਿੰਡ ਦੇ ਇਕ ਨੌਜਵਾਨ ਨਾਲ ਪ੍ਰੇਮ ਸੰਬੰਧ ਸੀ। ਪੁਲਿਸ ਨੇ ਜਦੋਂ ਇੰਦਰਪਾਲ ਨਾਲ ਕੜੀ ਪੁੱਛਤਾਛ ਕੀਤੀ ਤਾਂ ਉਨ੍ਹਾਂ ਨੇ ਪਹਿਲਾਂ ਟਾਲਮਟੋਲ ਕੀਤਾ, ਪਰ ਬਾਅਦ ਵਿਚ ਹੱਤਿਆ ਦੀ ਗੱਲ ਸਵੀਕਾਰ ਕਰ ਲਈ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਧੀ ਦੇ ਸੰਬੰਧਾਂ ਕਾਰਨ ਬਦਨਾਮੀ ਹੋ ਰਹੀ ਸੀ ਅਤੇ ਗੁੱਸੇ ਵਿਚ ਉਨ੍ਹਾਂ ਨੇ ਹਤਿਆ ਕਰ ਦਿੱਤੀ।
SSP ਸੌਰਭ ਦੀਕਸ਼ਿਤ ਨੇ ਦੱਸਿਆ ਕਿ ਇਹ ਆਨਰ ਕਿਲਿੰਗ ਦਾ ਮਾਮਲਾ ਹੈ। ਮੁਲਜ਼ਮ ਪਿਤਾ ਇੰਦਰਪਾਲ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ ਹੈ।
